കോട്ടയം: ഛത്തീസ്ഗഡിലെ റായ്പുരില് മൂന്നു മുതല് എട്ടുവരെ നടക്കുന്ന ദേശീയ സീനിയര് ഫെഡറേഷന് കപ്പ് വോളിബോള് ചാമ്പ്യന്ഷിപ്പിനുള്ള ഇന്ത്യന് യൂണിവേഴ്സിറ്റി വനിതാ ടീമിനെ നവാസ് വഹാബ് പരിശീലിപ്പിക്കും.
കേരള സംസ്ഥാന സ്പോര്ട്സ് കൗണ്സില് കോച്ചായ നവാസ്, ചങ്ങനാശേരി അസംപ്ഷന് കോളജ് വോളിബോള് ടീം പരിശീലകനുമാണ്. അന്തര് സര്വകലാശാല മത്സരങ്ങളില് മഹാത്മാഗാന്ധി സര്വകലാശാല ടീമിന്റെ മികച്ച പ്രകടനങ്ങളുടെ അടിസ്ഥാനത്തിലാണ് നവാസിന് ഇന്ത്യന് യൂണിവേഴ്സിറ്റി ടീമിനെ പരിശീലിപ്പിക്കാനുള്ള അവസരം ലഭിച്ചത്.
ഇന്ത്യന് യൂണിവേഴ്സിറ്റി വനിതാ ടീമില് കേരളത്തില് നിന്നുള്ള നാലു താരങ്ങളുണ്ട്. അല്ന രാജ്, ആര്. പവിത്ര, പി. അനാമിക (മൂവരും അസംപ്ഷന് ചങ്ങനാശേരി), റെബിറ്റി ജോസഫ് (സെന്റ് ജോസഫ്സ് ഇരിങ്ങാലക്കുട) എന്നിവരാണ് ടീമിലെ മലയാളി സാന്നിധ്യങ്ങള്.
E-paper LOGIN
LOGIN
